Sunday, March 8, 2009

९ हरदड़ै रो हरियो चोर

आपणी भाषा-आपणी बात
तारीख- //२००९


हरदड़ै रो हरियो चोर,

खोलै खिड़की बोलै मोर

हुमुखी प्रतिभा रा धणी राजूराम बिजारणियां रो जलम 7 अगस्त, 1982 नै लूणकरणसर तहसील रै मोटालाई गांव में हुयो। महर्षि दयानंद विश्वविद्यालय, अजमेर सूं एमए राजस्थानी रा स्वर्ण पदक विजेता। बाल-साहित्यकार, पत्रकार, चित्रकार, अभिनेता अर गायक। राजथानी री कई फिलमां में अभिनय। राजस्थानी अकादमी समेत मोकळै संस्थानां सूं सम्मानित-पुरस्कृत।

-राजूराम बिजारणियां

'गु़डायदे, चिबले, मार अमाड़ो, चाल पिदीड़ा, ठारनाख अर वाह खब्बू़डा वाह!' जे़डै कितरा ई बोलां री रम्मक-झमक फागण रै आं दिनां में हरेक गाँव-गळी- गुवाड़ में आपरो रंग दिखावै। आ रिमझोळ निगै आवै हरदड़ो खेल रै रसिया में। संस्कृति अनै संस्कारां री साख भरता ग्रामीण खेलां रै खजानै रो ओ एक सांतरो मोती। टाबर तो टाबर, बू़ढा-बडेरा ई बालपणै रै चितरामां में हब्बाबोळ हुयोड़ा। घणै जोस सूं हुंकार भरै। इण विरासत नै परोटै-टंडवाळै। अडबळी, खटकण, हिंगदड़ो इत्याद कई नावां रै धणी इण खेल रै वजूद नै बचावण री जुगत पण बरकरार।
स्योरात रै पावण दिन सूं इण खेल री सरूआत। अर होळी रै सैं दिन तांई इण री धमक परवान चढै। खेलती बेळा मंड्या पाणा किणी रणभोम सूं निजोरा निजर नीं आवै। खेल सरू हुवणै सूं पैलां दो पाणा मंडै। बराबर-बराबर भीरू बंटै। खेल सरू हुवै। दो ठीयां (इंर्ट या भाटां) पर बाँस री बळी मेल'र पूर री दड़ी सूं बळी नै गु़डावण रो सिलसिलो सरू व्है। हारयोडै पाणै रा गळ गलयोड़ा (आऊट हुयोड़ा) भीरू पिदाई चुकावै। जीत्योड़े पाणै रो एक-एक खिलाड़ी बारी-बारी सूं अमाड़ा लगावै। पीदण वाळा दड़ी नै एक ही ठोकर में जे पाछी पाणै में पुगाय देवै या दोनूं हाथां सूं चिब लेवै तो सा'मलो अमाड़ा लगाय रैयो खिलाड़ी उतर जावै। अमाड़ो लाग्योड़ी दड़ी जे खबियै हाथ सूं चिब लेवै तो सगळो पाणो ही गळ जावै अर हरदड़ो फेरूं नूंवै सिरै सूं सरू हुवै। जीत्योड़े पाणै रो कोई भीरू गळै नीं तो बो घी रो घड़ो गिणीजै।
इण बगत खिलाड़ी खेलता-खेलता आपरा सुर भी काढ़ता जावै-

'हरदड़ै रो हरियो चोर, खोलै खिड़की बोलै मोर।'

हरदड़ो मौज-मस्ती, भाईचारै अर आपसी मेळ-मिळाप रो प्रतीक। होळी मंगळावै तो साथै ही हरदड़ै नै ई मंगळा परा फेरूं अगलै बरस री स्योरात ताईं अडबळी सूं करै राम-राम।

आज रो औखांणो

खेल खेलारां रा, घोड़ा असवारां रा।

खेल खिलाड़ियों के और घोड़े सवारों के।

किसी भी काम में सफलता निपुण व्यक्ति को ही मिलती है।








30 comments:

  1. Bhai Staynaryan, vinod,
    Sh Rajuram bijarniya, ro Aankho Dekhyo hall pedyo.aapna gramin or pramperik khel ri bhut hi pyari comentry ped li bhut hi aachhi lagi Raju ram nai e khel comentry khatir dhanyabad.
    Herdedye ro hariyo chor, khole khidki bole more,
    NARESH MEHAN
    9414329505

    ReplyDelete
  2. rajuram bijarnia ro lekh gaanv ri sanskrity su sarabor hai..! jisoro hogyo..!!
    -ANIL BHARGAV
    BIKANER

    ReplyDelete
  3. हरदड़ै रो हरियो चोर,खोलै खिड़की बोलै मोर
    RAJ RO LEKH SANTRO..!!
    IYA HI LIKHATA REVO
    -NARENDRA SWAMI
    TEACHER
    BIKANER

    ReplyDelete
  4. LEKH BALPANE ME KHINCH PARO LE GYO.
    BADHAI..!!
    LALCHAND GOUR
    LOONKARANSAR

    ReplyDelete
  5. LAKHADADAI.. JABRO BANAV..SABDA RO..KHEL RO.
    LEKHANI NE CHALAVANTA REVO SA..!!
    Devmitra Jhaa
    lunkaransar
    bikaner

    ReplyDelete
  6. rajuji aapne ghani-ghani bhadhai.
    aartical man me ramgyo.
    -premsingh rathor
    valsad
    gujrat

    ReplyDelete
  7. हरदड़ै रो हरियो चोर,
    खोलै खिड़की बोलै मोर
    राजूराम बिजारणियां ro lekh sachai hi jabar.
    lekhak,bhaskar ar soniji ne badhai.
    dr.madan ladha
    mahajan

    ReplyDelete
  8. खेल खेलारां रा, घोड़ा असवारां रा।
    sanchi bat sa.
    khel to aapna sanskar hai sa.
    aane jivanta rakya hi aapa ar aapna ganv bachaila.
    rajuji thanri kalam ne naman.
    bhaskar ne badhai.
    soni ar swami ne dhinvad.
    -bhanvar lal 'bhanfod'
    sent sivaji maharaj ekedmi
    lunkaransar
    bikaner

    ReplyDelete
  9. rangrudo, gajab niralo,
    manbhavan khal hai 'hardado'
    bhulyai-bisarai khel ne jivant karan saru
    rajuram ji ne lakhu-lak rang.
    -MAHENDRA SINGH SHEKHAWAT
    BIKANER

    ReplyDelete
  10. HARDARO BADPAN RO NE PREET RO PARTIK.
    GAANV NE GUVAD RI AAN BAAN NE SHAAN.
    RAJUJI NE DHINVAD.
    -MALKEET SINGH
    PANCHAYAT SAMITI
    LOONKARANSAR

    ReplyDelete
  11. WAH LIKHARA,
    WAH CHHAPARA,
    WAH PADHARA.!!!
    HOLI RE RANG ME
    SANTRAI KHEL RO RANG
    JAMAY DIYO.
    -Durgaram Parihar
    thakurji mandir re kanai
    Lunkaransar

    ReplyDelete
  12. khel ro aankhya dekhyo hal.
    ghano kamal, ghano kamal.
    holi re pavaan bela me,
    ude rang sang lal gulal.
    rajuji jabar machayo,
    bhaskar sathe mil dhamal..!!
    -SHIVDAN SINGH SODHA
    LUNASAR DHAM

    ReplyDelete
  13. 'हरदड़ै रो हरियो चोर, खोलै खिड़की बोलै मोर।'
    राजूराम बिजारणियां GRAMYA MATI REE GHAND
    CHARU KUNTA ME ''HARDADE'' RE JARIYE
    BIKHARA NAKHI 1
    -HET RAM MOOND
    VPO-FALAWALI
    PUGAL

    ReplyDelete
  14. RUJU BHAI,
    RAM-RAM..!
    LEKH JABRO HAI.!!
    BALPANE RE YAAD TAJA HOGI..!!!
    -MAHENDRA SINGH BIJARNIA
    4 N.M., VIJAYNAGAR ROAD,
    GHADSANA

    ReplyDelete
  15. RAJU BEERJI,
    LEKH PADH PARO
    AAP SATHE BITAYODA
    'JAMMU' RA DIN
    PACHHA LOT AAYA.
    SACHE HI PREET REET SU JUDYA
    SANSKARA RI TO BAAT HI NYARI-NIRVALI.
    LOK SU JUDYO SAHITYA, GEET, KHEL
    RI TO GOONJ HI GAJAB HUYE.!!
    -BHUPENDRA SINGH SIDHU
    LIKHMIDESAR

    ReplyDelete
  16. BADE BHAI RAJ RO LEK CHHOKHO LAGYO.
    BHASKAR TEEM AR PARSTUTKARTA GHANA BADHAI RA HAKDAR HAI JI.
    -VINAY SETHI
    SANGRIYA.

    ReplyDelete
  17. CHOKHO LEKH LIKHAN PAR ANUJ RAJU THANE BADHAI.
    -KULDEEP SING BHAMHU
    - SUKHVINDRA SINGH
    - PRABHURAM
    PILIBANGA
    (HANUMANGADH)

    ReplyDelete
  18. bhout hi santro lekh likhyo h ji soro hu gayo in bhant rajasthani ra motyar jagya manyata ne der ni lageli.sagla jinsu bhi milo rajasthani ro hi prchar karo antolen ne rajender ji,satyanarayan ji,harimohan ji jin bhant aage le jay riya h unari manjil ekdam sahi h.sagla ji jan su lagyoda ravo . jai rajasthan jai rajasthani
    HARIRAM BISHNOI
    SAMBHAG PATVI BIKANER
    RAJASTHANI MOTYAR PARISAD
    9214164455

    ReplyDelete
  19. JORDAR MANDYO H JI LEKH MHARI TARF SU HOLLY RA RAMA SHAMA SAGLA RAJASTHANI HETALOOWA NE.



    MUKESH RAMAWAT BIKANER

    ReplyDelete
  20. HARDADO RAMAN NAI JI KARAN LAGGYO JI..!
    LEKH GHANO DAY AAYO JI.!!
    RAJARAM SHARMA
    GHAMUDALI
    PADAMPUR

    ReplyDelete
  21. BLOG par rajasthni ranga me rangyo lekh padh'r pardesh me aapani dharti ri olyoo aagi.
    aankhya me bhi pani bhar aayo.!
    Raj ne badhi..!!
    -Gangadhar Ojha
    varli, mumbai

    ReplyDelete
  22. raj blog par tharo lek chhaa raiyo hai.
    man gadgad hogyo.
    aasyu jad thaa su milsu.
    -Mohansing rathore
    vapi, gujrat

    ReplyDelete
  23. raju ne raju ra ram-ram..!!
    jabar khel par jabar lekh saru jabar badhaai..!!!
    -Raju
    ps, lunkaransar

    ReplyDelete
  24. bhayala raju,
    gajab khel hai hingdado..
    aaj lekh padh'r tha padyo.!
    iyahi likhato rai.
    aapro....
    -rajendra bhadu
    SHO AABKARI,
    NOHAR - SANGARIYA

    ReplyDelete
  25. RAJUJI,
    AKHBAR ME AAPKA LEK PADHA,

    BADHAI.
    -MANOJ SHARMA
    SHO , PADAMPUR

    ReplyDelete
  26. RAJ AAPARO LEKH GHANO SANTRO..
    LIKHATA RO SA..!!
    -MANOJ JAKHAR
    ADVOCATE,
    -HANSRAJ THORI,
    -SUBASH PACHAR
    LOONKARANSAR

    ReplyDelete
  27. raju ji,
    aapko holi v aalekh ki
    dher sari badhi.
    website par padha.

    -ramandeep kaur
    amritsar(punjab)

    ReplyDelete
  28. raj,
    badhai.
    akhbar bhi bhijvana..!!
    lekh ke lia.
    -alka tivari
    -rashmi tivari
    -rakhi tivari
    jaipur

    ReplyDelete
  29. LEKH ME SABADA RA AMADA GHANA SANTRA.
    AK AK SABAD ME MAATI RI SORAM RO GAJAB
    SAMAGAM NIGE AAVE.
    JI TARIKE SU O ROCHOK LEK LIKHYO HAI
    BIYAHI JODH JUVANA SARU KHEL NE JIVANTO RAKHAN RI MUHIM JARI RAKHO..!
    -DUNGAR SINGH 'TEHANDESAR'
    LT.DIST.SAYONJAK SFI
    BIKANER, 9829495628

    ReplyDelete
  30. RAJ JI RO LEKH SANTRO,
    SANTRA VA RA VICHAR.!
    LEKH RE PETE BADHAI..!!
    -K.L.SHARMA
    LUNKARANSAR
    9001397154

    ReplyDelete

आपरा विचार अठै मांडो सा.

आप लोगां नै दैनिक भास्कर रो कॉलम आपणी भासा आपणी बात किण भांत लाग्यो?