बापू
कन्हैयालाल सेठिया
महात्मा गांधी रै सुरगवास माथै देस री कांई दसा व्ही। सगळै जीव जगत माथै उण महान आत्मा रै गमन रौ कांई असर व्हीयो, उणरौ वर्णन कवि सेठिया री रचना मे घणौ मर्मस्पर्शी शब्दां में मिळै। जात-पांत रा भेद नै मेटण वाळौ, मिनख मातर रौ सांचो मींत, महात्मा गांधी जैड़ा अवतारी इण धरती माथै आया न कोई आवै। एक गांधी रै मिटण सूं सगळा री आँख्यां में आँसू है। मरतो-मरतो ई गांधी एकता रौ पाठ पढ़ाय ग्यौ।
आभै में उड़ता खग थमग्या
गेलै में बैंता पग थमग्या
हाको सो फूट्यो धरती पर
बै कुण गमग्या, बै कुण गमग्या?
ओ मिनख मरयो'क मरयो पाखी?
सै साथै नाड़ कियां नाखी?
बा सिर कूटै है हिंदुआणी
बा झुर झुर रोवै तुरकाणी।
इसड़ो कुण सजन सनेही हो
सगळां रा हिवड़ा डगमगग्या।
बै कुण गमग्या, बै कुण गमग्या?
मिनखां रो रुळग्यो मिनखपणो
देवां री मिटगी संकळाई,
बापूजी सुरग सिधार गया
हूणी रै आडी के आई?
जीऊंला सौ'र पचीस बरस
बिसवास दिरा'र किंया ठगग्या?
गिगनार पडै़ लो अब नीचै
सतवादी वचनां स्यूं डिगग्या
बै कुण गमग्या, बै कुण गमग्या?
बापू सा मिनखां देही में
धरती पर मिनख नहीं आया,
आगै री पीढ्यां पूछै ली-
के इस्या नखतरी जुग जाया?
ई एक जोत रै पळकै स्यूं
इतिहास सदा नै जगमगग्या
ईं एक मौत रै मोकै पर
सगळां रा आंसू रळ मिलग्या,
बै कुण गमग्या, बै कुण गमग्या?
This comment has been removed by the author.
ReplyDeletebhai ji,
ReplyDeletejabar.!
-Raj Bijarnia
lunkaransar
बचपन में कभी यह कविता आधी अधूरी सुनी थी। लम्बे समय से इस कविता की तलाश थी जो अब जाकर पूरी हुई है। इस मर्मस्पर्शी कविता को उपलब्ध करवाने के लिए “आपणी भाषा आपणी बात” का कोटिश: धन्यवाद।
ReplyDeleteहरि कृष्ण आर्य
हनुमानगढ
arya_hk@yahoo.co.in
दुनियाभर में आपणी भाषा रा कदरदान है अर मायड़भाषा रो ओ ब्लॉग चाव सूँ बांचे. इण बात ऱी साख भरे विजिटर मैप...
ReplyDeleteLocation Time
Jaipur, India Sun, 07 Feb 2010 02:43:43 -0600
Jaipur, India Sat, 06 Feb 2010 11:30:19 -0600
Mountain View, CA, United States Sat, 06 Feb 2010 11:18:01 -0600
Mountain View, CA, United States Sat, 06 Feb 2010 11:17:37 -0600
Oslo, Norway Sat, 06 Feb 2010 10:40:41 -0600
Kolhapur, India Sat, 06 Feb 2010 09:44:06 -0600
Jodhpur, India Sat, 06 Feb 2010 07:59:58 -0600
Jaipur, India Sat, 06 Feb 2010 07:40:21 -0600
Naperville, IL, United States Sat, 06 Feb 2010 06:33:59 -0600
Chennai, India Sat, 06 Feb 2010 05:23:40 -0600
Mountain View, CA, United States Sat, 06 Feb 2010 04:49:13 -0600